「第四十一屆香港電影金像獎」今晚（16日）舉行，奧斯卡影后楊紫瓊負責頒「最佳新演員」，Michelle現身時全場掌聲雷動，久久未能停下，Michelle感動地說：「你哋令到我好開心，好感動﹗大家好，我係楊紫瓊，好開心大會金像獎畀機會返嚟同大家見面，大家對我嘅愛護同支持，我覺得我好適合頒呢個獎，我得第一個提名，係1986年，《皇家師姐》最佳新演員。」Michelle寄語新演員要堅持﹑奮鬥﹑努力，以及Never Give Up（永不放棄）。
「最佳新演員」由《白日青春》林諾揮低呂爵安﹑柳應廷等奪獎，林諾說：「多謝天父畀能力我拍戲，多謝金像獎頒獎畀我，多謝父母，亦想多謝導演及黃秋生，成日教我點做戲，拍戲好開心，大家可唔可以入戲院睇《白日青春》？」
何爵天憑《正義迴廊》奪新晉導演，他受訪時說﹕「好驚，心跳加速，得到新晉導演導演事業有很大幫助，多謝家人，尤其是母親讓我入行做未必掙到錢嘅行業，佢現在見到我攞獎一定好開心。 」
