過去一年有不少從事電影工作的台前幕後逝世，「第四十一屆香港電影金像獎」今晚向他們作出最後致敬，包括嘉玲、任冰兒、沈威、靜婷、楊群、徐忠信、余子明、陳萬雷、Uncle Ray、于海、唯靈、陳銅民、坂本龍一、吳耀漢、顧嘉煇、配音員馮雪銳、美術指導余家安、古天農等。
致敬片段播出前，導演陳可辛現身舞台發言，他說︰「有人話上世紀嘅60、70年代係香港電影嘅第一個黃金期，國、粵語片百花齊放，當年影響咗好多年輕人，包括我，影響更深。上一代父輩嘅電影人，承傳到今日，令到我哋呢一代可以搵到自己嘅路。好多電影影響咗我拍嘅電影，包括如果冇吳楚凡先生嘅『人人為我，我為人人』精神，係唔會有《難兄難弟》；如果冇張徹導演嘅《刺馬》同《獨臂刀》，係唔會有《投名狀》同《武俠》；如果冇我爸爸嘅《赤膽好漢》，係唔會有後來嘅《十月圍城》。佢哋嘅承傳，留低咗畀我哋好多嘢，教我哋點樣行到我哋下一條路。今日我要向佢哋致敬，因為佢哋畀咗好多智慧，同埋回憶我哋。今晚，我哋會睇到好多離開咗我哋嘅人，有啲人嘅名字從來冇喺電影金像獎出現過，今晚亦都會係最後一次，包括我爸爸，佢個名叫陳銅民。」
