10度獲最佳女主角提名的鄭秀文（Sammi），今晚（16日）終於憑《流水落花》開齋，Sammi從好友劉德華手中接過獎項，Sammi激動哽咽表示：「首先我想講，今年能夠同4位優秀女演員一同角逐，係我嘅榮幸。其實最佳女主角呢個獎對我嚟講，從來好似係遙不可及，但有陣時又覺得只係一步之遙，喺咁多年裏面，我唔係諗得最多，幾時或點樣先可以得到呢個獎，我究竟點樣先可以進步，喺演技上有一個提升，可以有蛻變，我想講其實由被人認定我係喜劇演員，轉去做正劇，其實所花嘅工夫同所行嘅路好長，當中遇到好多困難，沿途上不被認同，嚟到今日大家睇到我演出上蛻變，好感激遇到好劇本，多謝導演賈勝楓，係你畀呢個機會我演呢個角色，多謝團隊﹑多謝劇中每位演員。
