黃妍（Cath）今天（17日）出席「香港鼓樂節20周年」活動，見到現場的擊鼓表演，她興奮得拍爛手掌。Cath表示自己對樂器的認識，暫時只是結他，大學時代學結他全為了表演：「我鍾意周杰倫嘛，周杰倫男仔Key，咁我唱cover就cover唔到，不如學結他啦，可以唱cover歌，又可以創作。」
Cath透露7月暑假將會推出專輯，早前在日本已經完成MV拍攝，非常期待這次有關文學的概念碟推出。「之前生日會收到粉絲送畀我幾本書，我好開心，因為我真係好鍾意文字嘅嘢，特別係佢哋親手寫畀我嘅卡片，亦因為今次《1Q84》主題系列，令好多粉絲都有追睇晒成個系列嘅書，好開心可以感染到大家有閱讀習慣。」
提到今次跟方健儀同台，樹仁大學修讀新聞與傳播學系畢業的黃妍表示，相當有親切感，她說：「方健儀係我偶像，當年我讀緊大學，就聽到佢封咪唔做主播，即係『後會有期』，我同好多同學都視佢為偶像，覺得好可惜。冇諗過𠵱家入咗行，好多工作上遇到佢做主持，我覺得佢好可愛，報新聞嗰種莊重同做活動司儀時嗰種搞笑，真係反差好大！」
