李家鼎（鼎爺）、肥媽及游嘉欣今天（21日）為無綫節目《肥媽李鼎》宣傳，鼎爺及肥媽均表示再度合作十分開心，但游嘉欣什麼都不懂又多懶音，令他們啼笑皆非，高呼難頂嗌救命，問鼎爺可有忍不住鬧游嘉欣？他說：「冇，佢真喺唔識，唔係扮嘢。」
鼎爺及肥媽透露節目每個菜式都會有個故事，當中亦有提及家人，有笑有淚，但肥媽表明不敢講已故老公，不過就大爆鼎爺一講母親就難忍眼淚，及當年見鼎爺追求施明，鼎爺看施明拍劇被對手攬腰跳舞，嬲到鼎爺眼突，嚇到對手手震，鼎爺說：「有講起兩個仔好孝順，施明一路進展得好好，醫護照顧得好，精神OK，一日比一日好，但暫時未知幾時出院，除咗我成日探佢，兩個仔都有探，尤其是細仔（李泳豪），拍完劇收早就飛車探佢，令佢心裏好舒服，起碼知道兩個仔有孝心，情緒自然會好冷靜。」
游嘉欣自誇是敢死隊，接拍這節目預了被鼎爺及肥媽鬧，更自認廚藝沒100分都有90分，盼有自己烹飪節目大騷廚藝。她表示節目中肥媽有教識男仔，她亦有反省如何自然地識男仔，她說：「可能要改變平時語氣，講嘢好兄弟feel，要溫柔啲。」問緋聞男友林正峰可覺她變得溫柔？她則說：「好耐無見。（分手？）都無開始過，我都想有拖拍。」
