MIRROR成員「教主」盧瀚霆（Anson Lo）最近忙拍攝電影《盜月者》同《12怪盜》，兩套電影時間穿插拍攝，而Anson Lo自爆昨晚（20日）拍《12怪盜》打鬥場口時發生小意外，他寫道：「整親下腰連住右腳韌帶膝頭哥」，他表示由細到大都好容易整親，加上舊患又好多，他慨嘆可能是他的「命運」。
昨晚的小意外，Anson Lo因為不想影響到拍攝進度，而沒有跟大家說，死撐幾個Take後終於撐不住：「對每一位一直好專業嘅工作單位，都感到好內疚，更加唔想令你地隔咗幾日，再嚟一個重量級嘅憂心，所以冇喺story講～」
到今天（21日）拍攝《盜月者》，教主要追車、跑步、上落貨車，雖然好痛，但他也已盡力，並麻煩到所有工作人員，隨後他用角色「佑仔」的一張《MONEY》巴士幸運經過打卡相，跟神徒（粉絲暱稱）Update一下：「放心，啱啱睇咗醫師，醫師話幾日後就會好返好多，公司同劇組決定，將今晚嘅拍攝取消，俾我喺屋企休息一下，多謝劇組全體嘅體諒，同時都麻煩咗所有人，唔好意思，嚟緊嘅日子暫時拍住文戲先，大家唔使擔心，我會好快好返，你哋都要自己小心保重身體，『知冇』。」
