《飯戲攻心》導演陳詠燊昨日在社交平台分享野生捕獲周潤發的照片。很多人說「上得山多終於發哥」，陳詠燊竟然冇行山也遇發哥。他寫道：「原來喺香港真係會野生捕獲到發哥㗎！仲要唔使行山添！」
他覆述跟發哥的對話：
我（陳詠燊）：發哥，可唔可以同你影張相？（發哥超nice即刻拎我個電話selfie）
發哥：咦？你導演嚟個喎！
我：（好開心）吓！你認得我？係呀！我係《飯戲攻心》嗰件呀（我真係用咗「件」呢個量詞）！
發哥：《飯戲攻心》我有睇呀！好睇呀！
我：嘩！多謝呀！我好鍾意你㗎（思緒混亂中）！（之後所有對話已經開心到唔記得⋯）
影完之後，我一路行一路同我太太講咗好多次：「嘩！發哥認得我呀！發哥認得我呀！發哥認得我呀！發哥認得我呀！發哥認得我呀！發哥認得我呀！發哥認得我呀... ...」
陳導野生捕獲發哥，網民Like爆，紛紛留言問陳詠燊有沒有趁機會邀發哥拍戲？
