無綫《中年好聲音》今晚舉行總決賽《中年好聲音登峯之戰》，周吉佩在第2回合比賽上獻唱《愛很簡單》奪得115分，撼贏唱《Greatest Love of All》奪得111分的李佳，成為首屆《中年好聲音》冠軍。亞軍是李佳，季軍則是羅啟豪。周吉佩勝出後激動落淚，他說︰「我好多謝《中年好聲音》呢個比賽，好多謝我太太。我諗都冇諗過有機會可以喺呢度攞呢個獎，因為有好多人留言同我講『要紅嘅晨早都紅咗，點會而家先至紅』。但係，我成日都唔想放棄，因為我真係好鍾意好鍾意唱歌。呢幾年我去打工掙錢，都係為咗唱歌。行到今日，我好多謝《中年好聲音》一班兄弟姊妹，多謝所有評判，多謝我嘅粉絲。我從來都冇粉絲，呢個比賽我竟然有粉絲﹗」
