李佳在今晚（23日）《中年好聲音登峯之戰》屈居亞軍，她強調沒失望︰「事前冇諗過自己一定會入到三甲，雖然我係大熱門，但係比賽嘅嘢冇人知，而且今日大家狀態都咁好。（覺得自己臨場表現點？）我第一個出場，唔知係咪緊張，覺得可以做得再好啲，但出嚟嘅分數都唔低，我都好開心。（覺得自己輸喺邊度？）我唔覺得自己輸喺邊度，周吉佩今日真係唱得好好，我綵排時已經對佢好有信心，覺得佢一定入三甲。」談到不少網民認為她應奪冠，李佳說︰「多謝大家支持，我冇失望，入到6強已經好開心，入到三甲係一個驚喜。」李佳坦言很有興趣加入娛樂圈，惟不會放棄歌唱老師的工作。
