練美娟（娟姐）與ERROR隊長梁業（肥仔）曾兩度拍檔飾演夫婦及情侶，他們今次再在ViuTV原創劇《極度俏郎君》合作，卻各有感情線。肥仔將與陳穎欣（Yanny）有對手戲，娟姐則挑戰飾演較男性化的角色，更會追求宣萱。娟姐、肥仔異口同聲表示開心終於可撇甩對方，笑言「你哋唔厭，我都悶」、「套套都係娟姐，真係唔係個個頂得緊」。
首次與ERROR合作的黎彼得爆4子不時撩女仔︰「佢哋係瘋人院走出嚟，日日都鬧交，走去撩女仔，搞搞震冇幫襯﹗我唔怕佢哋爆肚，因為我都爆埋一份，係佢哋接我唔到呀！啲後生唔夠我哋嚟，話晒我地經驗豐富呀﹗」黎彼得直言今次與一眾年輕演員合作，過程歡樂輕鬆。ERROR成員吳保錡、郭嘉駿（193）更趁機邀黎彼得上他們主持的節目做嘉賓。
