MIRROR成員呂爵安（Edan）跟胞妹「小如豬」呂蕙如兄妹情深，昨晚Edan在社交平台限時動態貼了一條唱歌片，小如豬唱台灣女歌手徐佳瑩的《失落沙洲》，唱得幾好聽，豈料Edan卻亂入搞破壞，用搞笑唱腔夾硬和妹妹合唱，唱得搞鬼，令小如豬忍不住出聲：「收嗲啦﹗唉﹗」
Edan有份主演的電影《死屍死時四十四》票房破2000萬，戲中演張子儀一角的Edan，昨晚在Ig分享由他命名的「武士安」髮型，只見他的額頭全見，Edan解釋：「謝票嗰陣都有講過，因為要戴假髮，所以每次都要將啲頭髮向後gel到貼晒硬晒扁晒先得，所以每次返到屋企都係一餅嘢咁樣，同埋因為驚穿崩，所以都將我個額角剃闊咗啲（本身太窄，不過好事嚟嘅俾佢慢慢囉）如果有機會拍古裝，可能就係咁嘅樣。」另外，今天（30日）是姜濤的24歲生日，Edan在Ig限時動態貼出壽星仔瞓覺黑圖賀壽，十分搞笑。
