由肥媽﹑李家鼎（鼎爺）和游嘉欣（游游）主持的飲食節目《肥媽李鼎》，今晚（2日）播出第5集，主題是「懷念的味道」，肥媽指自己最深刻的菜式是「冬菜蒸牛肉」，肥媽透露媽媽會在牛肉中加入麥皮，除了令口感變得更細滑，亦令「肉量」大增。
講到最窮困的時候，肥媽說：「得36元喺銀行，但要養6個仔女，每日都𢲷晒頭諗點樣掙錢，試過有一日揸住支茄汁同豉油，個仔望住我搖頭，我就點頭，佢話冇餸呀？我話係呀，咁咪茄汁同豉油撈飯囉！」
鼎爺最潦倒時則靠滷水雞翼維生，他說：「20元雞翼食一個禮拜，雞全翼一餐食兩隻，有味咪得囉，最緊要係碗飯之嘛！」游游的童年味道是撈冷麵，並即場炮製給肥媽和鼎爺品嘗，惟鼎爺似乎不太欣賞：「講句得罪啲，係冇層次㗎！」
明晚（3日）播出第6集，主題是「高低的人生」，肥媽指當年自己靠托麵粉養起成頭家，她當年一次能托起3包重達50磅的麵粉，肥媽說：「當年係有自己同自己鬥，同自己講一定要托起佢，托唔起就冇飯食！」肥媽又指當年靠托麵粉掙到2000多元一個月。至於鼎爺年幼時，則靠批馬蹄和剝核桃幫補家計，由早上9點剝到晚上6點。
談到買樓話題，23歲的游游希望5年內上車：「我覺得可以置業係人生高峰。」肥媽透露首次置業經歷，她說：「我記得我哋上樓時，細仔係摸住塊牆係咁啜，全家人第一次買樓，係開心到形容唔到！」肥媽又指人生首次置業在30歲：「有咗6個仔女之後先買，記得用咗28萬買，我好豪㗎，一次過買兩層，412呎一層，上到樓落雨唔會漏水，直頭係夢想嚟！」
鼎爺透露自己大約於1971年首次置業，他說：「當時去咗台灣工作，6千元（人工）一個月，70年代6千元好緊要㗎喇。」鼎爺指當時打長途電話着母親睇樓，目標是畢架山或美孚一帶，惟李媽媽最後作出的決定，令鼎爺崩潰兼反白眼。
