J2綜藝節目《野外步出3玩野加大馬》由方紹聰（奶仔）身兼監製及主持。第4集出場的是「大馬楊采妮」林桔欣（Jessye），她試玩「瀑降」，一開始便不停跣腳，更多次撞向石壁，但堅強又捱得的Jessye全程零投訴，表現令教練Teng Sir讚歎，原來Jessye童年過得並不快樂︰「父母會嘈交、打交，老竇係會飲到好醉，之後返嚟會踢爛所有房門。」她又透露寫日記時曾寫過：「好驚自己係咪會咁樣死咗 （被打死）。」Jessye指因為童年陰影，很遲才敢拍拖，可惜依然遇人不淑，她說︰「前度男友會郁手打人，一開始係好小事，好快演變成打交，試過被打到耳仔內出血，1個月聽唔到嘢。」
