港台《廣播九十五周年 十大中文金曲頒獎音樂會》今晚在紅館舉行，泳兒繼「十優歌手」及「十大中文金曲獎」後，再憑專輯《Dark light of the soul》奪得「最佳中文唱片獎（女歌手）」；「最佳中文唱片獎（男歌手）」則是周杰倫的專輯《最偉大的作品》，周杰倫因正在舉行演唱會而缺席。
泳兒說︰「真係冇諗過，我覺得好開心，我好驕傲有呢張專輯，好感恩可以遇到我嘅音樂團隊，佢哋呢3年幫我重新rebrand我嘅音樂風格。我轉風格嘅時候，冇諗過可以出一隻大碟而得到大家嘅認同。無論一開始嘅時候有幾多質疑都好，只要你有信心同埋唔好介意得失，終於都可以行到一條我自己好想行嘅路，亦行得非常之開心。希望我係一個活生生嘅例子，可以鼓勵到未達到目標嘅人唔會放棄。」
