ViuTV音樂頒獎禮《CHILL CLUB推介榜 年度推介22/23》今晚（7日）在亞博舉行，「CHILL CLUB年度女歌手」，Serrini獲得銅獎，她說：「我今晚嘅造型係一個貴婦帶兒子去參加游泳班，我希望嚟緊一年做音樂，同埋我自己會Keep住自由風格，有朋友話我有冇出廣東歌，只係聽到隻國語碟...佢（ViuTV）嗌我寫多謝名單，只寫咗真美（碟名），好多謝ViuTV支持我哋成日唔知做乜嘅人，繼續努力做好音樂，多謝家人朋友﹑工作人員，將來拍多啲得意嘢。」
陳蕾膺銀獎，她腳踏超高踭鞋上台獲獎，並獲得超多歡呼聲，陳蕾說：「多謝投票嘅樂迷，你哋投票對我嘅支持，就係我最大動力，我覺得自己呢幾年狀態，有史以來，我人生最好狀態﹑最好energy同最好心態，我希望將最好心態繼續寫落我嘅音樂，我會繼續用作品說話，希望今年大家繼續留意我創作。」金獎得主則由鄭欣宜蟬聯，不過欣宜因身體不適缺席。
