近期AI程式十分流行，這觸發了MIRROR成員呂爵安（Edan）演繹新歌《ChatMrE》。Edan說：「《ChatMrE》靈感嚟自ChatGPT呢期好興嘅AI程式，而AI呢個Concept係黃偉文（Wyman）諗出嚟，當初Wyman同我講時，我都覺得好正、好鍾意，因為自己對於AI、科技都幾感興趣，可能因為細個睇好多動漫係有關於未來世界，覺得未來世界可以發展得好犀利好先進，而今次份詞就係寫AI學習能力好快，又太聰明，做某啲工作，會快過人好多，有啲工種可能會被取代，係一個好有趣嘅課題。」AI題材，配合Band Sound風格，成就了《ChatMrE》的出現，Edan續道：「喺眾多Demo中，突然聽到呢首，即刻好鍾意，因為係一首好好聽好高Energy，會令人好High，一路聽，會想跟住一路揈嘅歌，自己都好鍾意呢類型音樂。」
