孖胡敏芝挑戰馬來西亞「劍峰」 奶仔步步驚心:跟死神搏鬥 (15:58)

文章日期:2023年05月09日

J2節目《野外步出3玩野加大馬》今晚(9日)及明晚(10日)兩集,方紹聰(奶仔)將伙拍J2er胡敏芝(Karen)探索馬來西亞四大天然洞穴之一的風洞及清水洞,又會到訪面積超過520平方公里、被列為「世界自然遺產」的姆魯國家公園。

奶仔與Karen除會挑戰「觸目驚心」吊橋,還會試飲「回春水」,不過最精彩是2人挑戰海拔1200米的「劍峰」。為了是次挑戰,2人轉了兩程飛機、搭車又搭船,為的只是呈現難得一見的野外美景。

劍峰又名尖峰石林,位於火焰山上,雖然高度不及有「神山」之稱的京那巴魯山,但被認為更難攀爬,並以山頂有如劍峰般一片片的石灰岩馳名。據當地領隊透露《野外3》是首支香港攝製隊挑戰攀登劍峰拍攝,由於攀登劍峰路途崎嶇險要,奶仔等人全程有合資格教練傍實之餘,登峰前更必須上堂受訓確保安全。

曾4度挑戰毅行者、有「慈雲山大髀王」之稱的奶仔,亦坦言挑戰劍峰對他來說,最後衝刺階段絕對步步驚心:「最後200米嘅嗰條高梯,真係每一下都同死神搏鬥。因為條梯好直好難爬,同埋只要鬆手或者跣一跣,就會跌落下面嘅尖石間,相當危險,教練都話嗰個山曾經有唔少挑戰者遭遇不幸,所以我哋最後唔係成隊攝製隊上晒去,而係量力而為。」

當中零運動根基、體能較弱的Karen便在1000米高度時宣布放棄,奶仔直指Karen已是超額完成:「我哋成條Team都感受到佢係幾咁熱血,佢中途不斷受傷、係咁畀嘢咬,行唔夠幾百米又已經喘晒氣,但佢依然好堅毅咁捱到去佢自己嘅極限,全程仲要冇乜怨言,淨係講咗句:『好憎奶仔』,好值得欣賞。」

攀登劍峰除了講求體力及靈活度,攀登者必須於指定時間內抵達不同check point,才能確保安全,故攝製隊必須早一日抵達山腳下的營地,單是該段「抵營路程」已長達9公里。有「黑仔王」封號的奶仔,與Karen出發往營地不久,即下起滂沱大雨,滿地泥濘及濕滑的石頭,令2人寸步難行,攝製隊比預期遲了接近1小時才抵達營地,因而引發首輪「斷電」危機。之後Karen因為腳力不足,要手腳並用攀山,嚴重拖慢進度,令攝製隊陷入第二輪「時間」危機。

最後危機是Karen途中不慎跣倒,整個人跌坐在石頭上,更一度痛至面容扭曲,令原本已十分艱難的登山過程更見艱巨。談到是次挑戰,Karen坦言拍攝期間不斷自我質疑,並感謝奶仔沿路上貼心照料:「奶仔除咗幫我孭嘢減輕我負擔,有段路佢仲喺落超級大雨情况下、以極速孭住我行石路同埋過橋,好感動。」

問到Karen行完劍峰後有否後遺症,她說:「對腳好多地方都刮親同瘀咗,同埋我畀水蛭咬咗心口一啖,去到差唔多山頂又畀紅火蟻咬,好似針拮咁痛,啲疤痕成個月都仲喺度。」Karen又謂最難忘是山上吃的那個飯盒:「真係食到想喊,原來好辛苦之後,一個簡單飯盒都可以好好食。」

(即時娛樂)