鄭詩君（C君）今日與馮盈盈等錄影無綫新節目《咁你都唔識》時，表示這次被總經理曾志偉任命做主持，有天接到對方來電稱這個節目很適合他。被問到是否「燉冬菇」時，他說︰「幕後變番做幕前，直情係升呢啦﹗雖然我好喜歡幕後創作，但既然總經理叫到，我無可能托手踭。」談到其所屬組合「農夫」早前盛傳已約滿無綫，惟近日又重新出現在無綫官網的藝人頁面中，C君說他們改簽普通藝員約。
至於他本人在J2的職務，C君說︰「依家要還疫情呢幾年嘅騷債，之前返內地開農夫巡迴演唱會，我都係拎無薪假，加上又要做音樂幕後，確實無可能兼顧，所以要暫停先。我依家同J2嘅關係可以兄弟嚟形容。（仲係J2創意總監？）呢個當然要問總經理，我都要問佢搞清楚。」C君曾指做高層有名無利，他被問到現在是否要掙番夠時說︰「我冇大家諗到咁貪心，對我來講（高層人工）已相當滿意，依家開騷係還騷債。」
馮盈盈透露將在新劇《逆天奇案2》中挑戰滑浪，由於她對該運動一竅不通，因此要找老師學習。她說拍攝時不會穿三點式，以有型為主。
