李思捷《思家大戰》第三季周日（14日）播出的新一集，黎耀祥率領的「演祥戲拍檔」隊對家庭觀眾John Lo率領的「威士忌大使」隊。節目一開始，李思捷便與黎耀祥口水戰，李思捷問︰「想問你哋係咪識輕功同練氣功？」黎耀祥答︰「我哋拍過一套劇集叫《輕‧功》，你係咪冇睇呀？」李思捷停頓數秒後說：「我梗係有睇，集集都有睇。」黎耀祥不相信，指李思捷每晚掛住追女仔。李思捷即說︰「你個視帝祥都幾犀利，唔係識輕功，就係做殺手，再唔係就係拳王，乜都畀你擸晒喇喎！」黎耀祥搞笑回應：「我淨係兩個字先做㗎﹗我依家係四個字，過氣視帝！」黎耀祥在問答環節上以羅文腔唱出「光加熱就等於火」，令觀眾拍爛手掌。同隊的朱晨麗全晚沒答中過一條問題，但她被李思捷要求自評竟說︰「出色，由第一題就開始中晒。」
