ViuTV《全民造星V》播出一星期，已有25位參賽者先後出場，惟至今未有任何人被淘汰，表現差的也獲得1盞藍燈跌入復活區。有網民指評判之一的陳詠燊評分時十分鬆手，往往會在3盞紅燈時給予參賽者藍燈；有網民甚至封陳詠燊為「一燈大師」﹗
對此，陳詠燊在社交平台發文回應︰「繼『龐牛大師』之後，聽講我喺網上又多咗個朵 - 『一燈大師』。其實我哋又點會唔識製造娛樂性？評語再Mean啲，啲結果再極端啲，踢人出局踢得狠啲，大家睇得再咬牙切齒啲，當然一定會『Good Show』！但係我哋三個都知道，每一盞燈都代表著一個機會，同時亦影響著一位年輕人嘅未來，所以我哋都只係本著一份精神 - 把機會留給應得嘅人。」
陳詠燊認為《造星V》雖然只是一個電視節目，但「做Show事少，造星事大」。他續說︰「多謝兩位拍檔伍姑娘與Edward Chan，唔係講笑，我哋係當日先第一次見面，但意外地互相補位，合作愉快！感謝撮合我哋合作嘅幕後團隊。夢想成真，注定艱辛；希望每一位值得的，都得到他值得的。加油！」
