無綫新聞主播麥詩敏（Gloria）近日與男友到英國旅行時，獲男友驚喜求婚。Gloria今日在社交平台分享男友跪地求婚時，她驚喜得掩嘴笑的照片，留言︰「他說今天帶我回以前讀書的地方Bournemouth行吓，行完Bournemouth Pier無啦啦食咗張英式牛肉乾（已入錶但無跌ticket出來所以只display了receipt）。當我嬲到發火之際，佢話附近好多靚風景可停車影相，就兜咗去某海灘看台。落車後我仲未燥完，我話『呢度無咩睇，唔好行咁遠，費事又畀人抄牌』，佢就話『得㗎啦』，之後捉咗我越行越入，仲無啦啦叫人幫我哋影相。原來他一早安排了朋友扮路人影相，然後這畫面就出現了，謝謝殺我一個措手不及。」
