港台成立25周年原創微電影《出發2022》，一連四晚於「大灣區衞視」電視平台播出，微電影分別由《手錶》、《幸運熊》、《空間魔術師》及《轉型》四個故事組成，米雪有份參演其中一個單元《幸運熊》。
《幸運熊》主要講述疫情期間，於醫院內發生的一切，同時又借故事寫出醫護人員跟病人的心態、心境，帶出親情、友情及愛情，米雪看到劇本時已決定接拍：「一聽個故仔我已經覺得好好，係表揚醫護人員同講述長者嘅心態，講佢哋腦退化，我一向都有做長者服務嘅義工，二話不說我就接咗呢部戲。」
微電影中，米雪跟羅家英演唱戲的恩愛夫婦，丈夫在醫院養病時染疫，2人經歷生離死別，把相濡以沫感情演繹細膩，米雪與同是老戲骨的演員擦出火花：「戲入面我鍾意叫家英哥做『相公』，呢啲都係現場諗出來。陳明憙吸收能力好高，有幾場要喊嘅戲，都處理得唔錯。」米雪又分享拍攝趣事：「我同家英哥有好多打情罵俏嘅戲，我哋演嘅時候冇乜嘢，但好多工作人員見到我哋都忍唔住笑場，呢樣先最好笑。」
