黃智雯在無綫新劇《隱門》中飾演的「張心月」，為了隱瞞與「世紀賊王」吳岱融的父女關係，因而被對方威脅、虐打及勒索。黃智雯為營造真實感，不惜親身上陣拍攝所有虐打戲分，弄得周身瘀傷。昨晚（30日）一集講到吳岱融與黃智雯父女「重聚」，吳岱融即向黃智雯箍頸襲擊，並一巴摑向她及勒索金錢。黃智雯於劇集播完後在社交平台分享劇照及留言︰「今晚我同『賊王』阿爸終於『重聚』，亦係被虐打嘅序幕，嚟緊仲會愈嚟愈激。記得呢場箍頸戲，同阿爸開工冇耐就拍，雖然第一次合作，不過就好有默契。其實現實嘅岱融哥係好有風度，仲成日『萬歲』，好照顧台前幕後工作人員。期望下次同岱融哥合作，可以演一對溫馨嘅父女。」
