黃心美（Scarlett）以特別嘉賓身分現身無綫J2今晚（1日）的新一集《超級毛特兒大賽》，與12名超毛合作拍攝封面照。家有3隻摩天使的Scarlett被問到其心目中3大可愛狗狗時說︰「印象最深的是摩天使Bubu，因為我都有養摩天使，一見到佢就兩眼發光。其實12隻狗影相嘅位都唔同，Bubu嘅位相對較高難度，所以拍攝時間比較長。佢有招必殺技係識得『請請』，好似叫人『快啲影完，放過我啦』，好得意。」
16歲芝娃娃Jammy同樣引起Scarlett關注，她說︰「聽完佢嘅參賽故事已經好感動，主人阿偉話想趁仲有機會同Jammy經歷多啲，加上Jammy好細隻，感覺較脆弱，拍攝時我會特別小心，額外照顧佢。」Scarlett表示拍攝時一度被阿偉的感性讀白搞喊︰「開頭以為我眼淺，估唔到擰轉頭見到Anne（向海嵐）啲眼淚仲勁過我。」
第3隻吸引Scarlett眼球的是臘腸狗薯餅。薯餅太過「主人控」及不受控制，原本所有人打定輸數以為拍攝時間會很長，豈料最後薯餅極速完成任務。Scarlett說︰「佢好上鏡，主人Jimmy作為『經理人』好稱職，佢溝通同協調都做得好好。」
