ViuTV選秀節目《全民造星V》昨晚（2日）播出第15集，60強參賽者出爐，下周一將開始第2輪爭入40強賽事。紅組導師之一的陳健安（On仔）在社交平台分享感言，表示第一回合30多個小時的錄影令他非常難忘。他說︰「造星5 round 1 完，呢三十幾個鐘好難忘，仲適應緊拍攝環境，無講好多嘢，邊做邊學，好在有你陳蕾喺度陪住，歡樂好多，仲有多謝你喺round 1前導師training已經開始信任我。多謝94位成員嘅表演，一切都係緣份同timing，入唔到60強嘅，繼續磨練，一定要堅持，只有你自己可以選擇放棄，期待未來你timing到喺樂壇再見。入咗我哋組嘅，多謝你哋，開心識到你哋，一齊上路！下個禮拜團戰正式開始，我哋係蕾！安！多！芬！#呢個名講出嚟個勢我都嚇一嚇 #蕾安多芬 #葛來分多啲frd #有人提議過叫蕾安嗱 #logo好靚好用心整」陳蕾留言，直言On仔是其「神隊友」。
