林作因「抽水」荷里活廣場謀殺案的言論而遭外界指責，最後被公司炒魷，其工作的保險公司今日（4日）中午發聲明宣布終止合約。林作接受《明報》訪問時，表示今早公司最高層聯絡了他，友善地表示「公司搞唔掂，唯有終止合約」。林作說︰「我好平靜嘅，因為簡單啲講，公司在商言商，有佢嘅考慮，我係絕對尊重，冇任何諗法。」
他揚言「金子總會發亮」，強調自己作為人才、才子，不擔心日後的發展動向。林作說︰「我一啲都唔擔心，有危就有機。呢次係更上一層樓嘅一個機遇，我會有唔同程度嘅爆發。我會喺事業上更上一層樓，有唔同嘅機遇。我會不斷發掘，包括喺保險業。我依然堅持林作保險顛覆保險業，我繼續有改變呢個行業嘅決心，我一定會繼續做。另外，我喺培訓界一向撈得幾掂，嚟緊嘅日子會撈得更加掂。我喺培訓界已經做到桃李滿天下，已經有聲譽，會再做大啲。甚至乎，我一直都話喺娛樂圈工作未完成，一向話我要做棟篤笑。嚟緊得閒啲，我會更加着緊安排。」
相關新聞︰林作遭保險公司終止合約 不後悔「抽水」言論 自信事業將再創高峰
相關新聞︰林作「抽水」放售謀殺案疑犯同款波鞋遭網民鬧爆 刪Post發聲明拒道歉
