MIRROR成員盧瀚霆（Anson Lo）的個人演唱會《ANSON LO “THE STAGE” IN MY SIGHT SOLO CONCERT 2023》，將於7月23日至25日舉行，7月23日為MIRO（MIRROR粉絲暱稱）場，只供MIRROR官方歌迷會成員購票。
MIRROR官方歌迷會今日（5日）在社交平台發文，交代有關公眾場（7月24日及25日）公開發售事宜。公眾場門票將於6月13日早上10時，於HKTicketing快達票公開發售，票價：$1080/$880/$580。
不少網民及神徒在該帖文留言：「淨係識叫我地唔好買（黃）牛，你估我地好想買牛呀？錢多得濟咩？你做到淨係miro/alfc會員先買到咪皆大歡喜囉，是但賣晒啲飛就算，都無理過啲fans處境」﹑「冇實名，真正鍾意教主嘅人仍然係買唔到，已有勁多牛放飛，心灰～」﹑「點解成日賣飛都係平日，唔通個個都唔好返工？啲牛嘅工作就係買飛，所有都比佢哋買晒，我真係唔知做會員嚟做乜？做神徒同做miro都好沮喪」﹑「希望買到飛」﹑「不做實名制，根本買不到，miro 會員都買不到」﹑「一定要搶到飛睇教主Solo Concert」。
