ViuTV選秀節目《全民造星V》第二回合今晚（5日）正式展開，60位參賽者將以小組形式對決，今次評判包括王君馨（Grace）﹑Dear Jane主音Tim﹑楊詩敏（蝦頭）﹑歌曲監製何秉舜（何丙）﹑填詞人Oscar Lee。
主持強尼在節目中先講第二回合賽制，會以小組形式對決：「每一組進行兩個項目，第一個係跳舞或樂隊對決，第二個係自選項目，今季指定項目表演，除咗跳舞Battle外，首次加入Band Battle環節，小組表演必須具備樂器演奏元素。」
強尼續說：「指定項目會由5位評判撳燈決定勝負，落敗嘅組別所屬嘅大組，就會背負兩個淘汰名額，喺整個回合完結後，導師需要係隊伍之中淘汰累積名額，換言之，五輪對決之後，將會累積10個淘汰名額。輪到自選環節，會以抽籤方式決定邊組出場，但只會抽一次，兩邊導師稍後會抽籤，抽先後次序。
五位評判經過兩隊比賽完後，決定邊隊勝出﹑邊隊落敗，今次有啲唔同，輸咗一隊嘅6位組員，會有一個即場被淘汰，而即場被淘汰嘅組員，其實頭先4位導師已經喺各個小組揀咗一個出嚟，所以經過5個回合自選對決及5個回合跳舞及樂隊對決，總共有20個人被淘汰。」
