許廷鏗（Alfred）向來惜肉如金，今年2月在日本北海道旅行時罕有曬肌露肉，今天（12日）Alfred再在社交平台貼出泳照，相中的他戴了太陽眼鏡，在池邊狂擺Chok甫士。
Alfred只露上半身拍照，還隱約看到胸肌，Alfred又大玩食字，將歌曲《良心發現》變成《涼‧新發現》，他解釋：「都係忍唔住食字，最近真係熱到呢，唔游水消唔到暑，都叫做帶氧運動，又對關節負荷細，對身體真係唔錯。
原來發現有朋友，都幾多唔識游水，但都鼓勵落吓水，細個爸爸請教練，大個起碼唔怕水，先可以享受樂趣，天氣真係好悶熱，大家要天天喝水，有機會一齊游啦。
#係肉帛相見嗰下 #少不免尷尬一秒 #不過大家都有肉 #其實都冇咩所謂 #最緊要自己舒服 #咩身型（形）都有市場 #唔好為人哋改變 #自己自在就好了」。
