黃秋生主演電影《白日青春》入圍「第6屆馬來西亞國際電影節」競賽單元，並同時獲得「最佳電影」、「最佳導演」、「最佳編劇」、「最佳男主角」、「最佳男配角」及「最佳女配角」6項提名。
《白》導演劉國瑞是馬來西亞人，對於自己首部長片作品能在家鄉的國際電影節獲得6項提名，他說︰「好高興入圍到馬來西亞國際電影節，因為自己係馬來西亞人，投資公司都係馬來西亞，可以返到馬來西亞競賽係一件好開心嘅事！而且真係可以令到呢部作品同馬來西亞觀眾見面，因為由上年金馬獎開始，就有好多馬來西亞嘅傳媒、觀眾、影迷好希望可以喺馬來西亞睇到部戲，希望今次出席可以同馬來西亞嘅觀眾交流！」
「第6屆馬來西亞國際電影節」將於7月23日至29日在Lalaport BBCC舉行，頒獎典禮則於7月29日在Zepp, Kuala Lumpur舉行。
