MIRROR成員盧瀚霆（Anson Lo，教主）最近忙拍港版《社內相親》及宣傳新歌《Nah》，雖然工作忙碌，但教主不忘跟神徒（粉絲暱稱）在社交平台互動。近日他在Ig誠邀網民及神徒一齊玩「#NahChallenge」，他寫道：「你可以做彈走人嗰個 或者被彈走嗰個 自拍彈走自己都得（睇我story示範～）拍完post岀嚟tag我，同埋幫你拍片嘅朋友，記住要Hashtag #NahChallenge 我會㩒入呢個Hashtag欣賞你哋嘅作品～同我一齊玩，『好冇』？」及後Anson Lo自爆在主題樂園拍劇，凌晨4點幾便要起身，近早上7時開工，接着下午4時許轉景繼續拍攝。
