魏浚笙（Jeffrey）今年強攻樂壇，推出兩首歌曲均由黃偉文（Wyman）包辦填詞，在流行榜獲得不俗成績。近日2人出席巴黎時裝周，Wyman在社交平台貼出和Jeffrey合照，原來5年前2人已在巴黎萍水相逢，今次則他們第2次在巴黎見面。
Wyman表示今時不同往日，但Wyman大讚Jeffrey仍能保持當日令他欣賞禮貌﹑謙虛﹑專業和合作的態度：「同埋簡簡單單開開心心成個細路咁 ....相信你好快升做哥級（定係已經升咗），希望你繼續keep到落去（雖然好難㗎吓），我哋呢啲著婚紗嘅怪伯伯，會定期突擊檢查！五年前只係工作上嘅萍水相逢，點估到五年後我會為你寫歌，仲已經寫咗兩首，聽講話第三首都嚟緊𠻹。」
