李龍基近日為中成藥品牌的男士系列產品拍廣告，分享保持活力心得，正計劃今年跟36歲女友Chris結婚的李龍基，不僅受對方感染而年輕化，更因為不煙不酒、生活檢點，並且廿年前已注重保健，72歲的他自言有心有力。
外界以「爺孫戀」形容李龍基與女友的關係，李龍基絕不介意：「由始至終覺得愛情係冇年齡區分，最重要佢真心對我，我又真心對佢。」跟年輕自己36載的女友相處，李龍基指潛意識不自覺地迎合對方，處事及說話模式變得年輕。
對於擁有年輕貌美女友，李龍基感自豪，笑言不介意身邊朋友羨慕或妒忌，但李龍基坦言女友如此高質，自己難免會有壓力，他鬼馬地說：「話冇壓力就假嘅，所以我都要𥄫實啲，呢個世界除咗我，仲有好多男士都鍾意呢一類型，所以我都𥄫得好實，放心。」李龍基對女友寵愛有加，他透露互相包容是2人相處之道。談到婚後可有生育計劃？李龍基表示順其自然。
