粵劇名伶阮兆輝（輝哥）今年入行70周年，昨晚（27日）舉行《阮兆輝演藝 70樂今宵》綜藝晚會，同時為東華三院「癌症診斷及治療助醫計劃」籌募經費，輝哥偕太太鄧拱璧出席，演出嘉賓包括廖安麗、胡楓、羅蘭、吳雨、鄭國江、葉尚華、呂珊、米雪、阮兆祥、蘇韻姿，以及《中年好聲音》吳大強、龍婷和顏志恒等。
7歲入行的輝哥表示入行70年，難忘的事情太多，但不要忘記感恩，他說：「回顧整個過程，好多人對過我好，做好多事好似失敗，但又冇事，當初我考童星，第一次失敗後，再考第二間，唔係因為我鍾意做戲，而係窮，戰後大家環境唔好，但有人情味，去士多可以賒數。」
問他最懷念哪位拍檔？輝哥指是師父麥炳榮：「佢教我做人，話做人都唔掂，做戲都唔會好，仲有禮貌、宗旨等，我學佢做人多過做戲，獲益良多，諗番都開心。（永不言休？）仍然行得、唱得我都繼續做落去，習慣做嘢，忽然唔做，冇寄託反而對身體唔好，師父都反對退休，等到做唔嚟先算，覺得辛苦就做少啲。」
對年輕一代有何寄語？他說：「老人家要講真話，唔呃人，帶人遊花園。後生嘅就練功、練功再練功；學戲、學戲再學戲；讀書、讀書再讀書。」
