演而優則唱的羅毓儀（Yuki）昨天（8日）出席活動時，首度獻唱自創廣告歌，她信心滿滿表示，希望歌曲可帶動現場觀眾反應：「呢首歌本身係一首好開心、好愉快嘅歌，本身錄嘅時候都有啲緊張，監製有畀意見，話要多啲Energy，要想像自己唱緊動漫主題曲，好熱血﹑好活潑感覺。希望到時喺我演唱時候，可以見到觀眾同我一齊郁一齊跳，Deliver到首歌嘅Message畀大家。」
外表斯文的Yuki原來入行前是個「Band友」，並有8級電子結他功力，亦嘗試過作曲填詞，但創作廣告歌卻是她的第一次。Yuki表示：「我覺得創作廣告歌最大嘅難度，就係佢嘅旋律一定要好聽同易記。今次呢首廣告歌，係想鼓勵大家多做運動、郁多啲、健康啲，個Melody以輕快同埋Catchy為主，希望聽到首歌嘅人可以好似歌詞咁講，一齊『郁多兩郁』！」除了廣告歌外，Yuki亦現場獻唱她的第一首派台作品《完璧》，希望藉新歌內容，答謝粉絲支持。
