呂爵安 （Edan）的個人演唱會將於8月尾舉行，Edan將於開騷前推出新歌。昨天，他在社交平台上載正在彈琴的照片，「劇透」新歌是一首「E式情歌」。
Edan說︰「新歌劇透﹗上次要大家估幾多隻字，依家開估！答案係... 7隻字！而第一個字仲要係英文字母嚟嘅。再加埋呢兩張劇透相...係咪已經估到頭3隻字係咩呢？淨番，4隻字就冇可能估到㗎啦，不過可以估另一樣嘢！就係成個MV故事係因為一樣運動而發生！試吓估，估到話你叻。MV同Mixing都如火如荼地努力中！大家等多陣，相信好快就可以同大家見面！E式情歌要回來了，期待﹗」
MIRROR隊友李駿傑（Jeremy）留言︰「E先生再次降臨。」
