健康資訊節目《身體最誠實》今晚（12日）播映最後一集，節目邀來「腫瘤學巨人」莫樹錦醫生聯同3位女神李佳芯（Ali）、何沛珈及梁超怡擔任主持。
今晚最後一集主題是精神病，在「Ali Says」中，Ali重提2017年生卵巢腫瘤一事，她說：「有一晚收工返屋企瞓覺，瞓到半夜突然間腹部好痛，嗰種痛係扭住撕裂嘅痛，我從來都未試過咁，幾日之後去做身體檢查，醫生發現我個卵巢有個13cm乘7cm大嘅腫瘤。」
Ali指其實當時身體早已發生異樣，只是因自己工作太忙未有為意，她說：「嗰時我摸住肚時，都feel到凸起咗嘅，但因為工作忙，以為只係有小肚腩，忽略咗冇留意，好彩個腫瘤係良性，醫生都即刻幫我排期做手術。」
Ali表示當年做完手術後，頭一個星期連起牀都有困難：「因為傷口有啲血水未清，每次起身都要撳住啲嘢先起到牀，我啲肌肉同筋骨都會痛。」Ali坦言經歷事件後有深刻體會：「原來曾經以為離自己好遠嘅事，霎眼間就會出現，我不斷提醒自己，要照顧好身體，咁先可以好好享受生活。」
