ViuTV全新節目《Viu Chat》由本月24日（周一）起，逢星期一至星期五晚上11時播映。節目由強尼擔任主持，每集與ViuTV不同藝人傾心事，讓觀眾了解他們不為人知的一面。
下周一晚播出的首集，邀請到陳俞希（Hailey）和葛綽瑤（Yoyo）擔任嘉賓。節目中，Hailey透露感情狀况：「首先，啲追求者第一下都會諗你呢個歲數，係咪好快就要計劃結婚同生小朋友，所以年紀開始大，就無咁容易，同埋好難去Approach一啲大自己好多或者好大年紀嘅男仔。」她指組織家庭是人生清單上其中一項。
相比起結婚，Hailey覺得生小朋友更為重要：「其實婚姻都只係一張紙，如果佢夠愛你，唔簽張紙都可以一齊過好多年，反而更加想喺呢個世界上，留一個Mini Me。」她笑言自己仍對愛情有憧憬，人生伴侶條件除了高大靚仔之外，還一定要夠醒目，不可以太蠢。
Yoyo指雖然自己外形上，給予人嬌滴滴和需要被保護感覺，但其實內心堅強獨立。她表示期待可以拍飲食節目，笑言「為食」是自身優點之一：「兩歲嗰陣，我就識食沙薑鳳爪，仲識𦧲骨，希望可以拍一個節目，就算食到唔好食嘅嘢，都可以直接講出嚟。」
