劉丹（丹爺）、周嘉洛、滕麗名（阿滕）、林淑敏、許家傑和李芷晴，今天（21日）出席處境劇《愛•回家之開心速遞》活動。
許家傑與李芷晴被爆拍拖睇戲，家傑否認戀情，指約會有其他朋友同行，又說：「我早已開咗『睇戲同學會』群組，經常約朋友睇戲進修演技，擔心嚇怕朋友唔再同我去街。」林淑敏笑言也收到許家傑邀請，只是未有應約，又讚他是難得朋友，擅於辦聯誼活動：「朋友們若果冇佢，只會鳥獸散。」
笑指林淑敏識做，留空間給許家傑約李芷晴，家傑說：「正常社交冇問題，（繼續約芷晴睇戲？）當然會。」問到覺得林淑敏或李芷晴好？家傑讚兩個都好，但聽到芷晴回應緋聞後感到不開心：「佢話我係好好前輩，大佬，我只係平輩，平時畀人叫弟弟。」
李芷晴笑言從小看許家傑演戲長大，林淑敏聞言也覺傷心，笑問：「我一向當家傑平輩，你叫佢前輩，咁我係乜嘢？」但也讚芷晴是位好吸引女生：「有魔鬼身材、天使面孔。」許家傑反問：「你覺得傳緋聞係我有艷福呀？你有冇睇雜誌，我都有半裸相騷六嚿腹肌，芷晴都有艷福。」李芷晴第一次傳緋聞，見到自己成封面人物，覺得好神奇，仍未懂得反應，笑說：「家傑係一位好好前輩。」激得家傑苦笑。
