「教主」盧瀚霆（Anson Lo，教主）後天（23日）舉行首個個人演唱會，近月他除了推出歌曲及拍新歌MV外，過去1個月已暫停拍《社內相親》，全程投入演唱人會籌備工作。
除了忙練歌、排舞、Band Rehearsal外，這次Anson Lo亦參與服裝設計及Rundown，他說：「第一次個人演唱會，所有細節我都好緊張，好想畀大家一個好難忘嘅一晚，率先同大家透露一下，今次會有好多唔同造型，自己亦包攬唔同造型構思，亦都係破格大膽嘗試，喺舞台上會著一啲自己演出時，好少會著嘅衫，會大膽少少，希望大家鍾意。」
近日網上流傳有黃牛飛流出，Anson Lo說：「演唱會一開賣兩場反應好好，公司至會決定加開一場畀買唔到飛嘅神徒（粉絲暱稱）。有傳言呢兩日黃牛陸續放飛，自己就再次呼籲神徒唔好去買，到時係咪會有吉位？自己唔會多諗，只會專注喺演唱會，以用最好狀態、最佳嘅演出，拼盡全力報答入場嘅每一位，演唱會見！」
