ViuTV節目《Viu Chat》逢星期一至星期五晚上11時正播映。節目由強尼擔任主持，每集與不同ViuTV藝人暢談心事，讓觀眾了解到他們不為人知的一面。
今晚（25日）播出一集，邀請到P1X3L成員吳啟洋（Phoebus）和鄭伊琪（浩南）作嘉賓。Phoebus剖白奪得《全民造星II》冠軍時，曾感到壓力：「因為第二、三、四名全部都好唱得或者跳得。知道自己咩都唔係嘅時候，就更加一定要努力，對得起呢個名銜。因為打手球就係咁，覺得自己能力不足就努力，邊到做得唔好就勤力練，但原來唱歌跳舞要喺短時間內追得上係好困難。」
他笑言並不覺得自己有「偶包」，願意配合節目效果：「試過扮鹹濕阿叔，仲要噴濕埋條褲，一路派傳單叫大家支持P1X3L。最後，觀眾有睇到我哋放開形象，我就知道自己唔需要覺得有包袱，節目想要啲乜嘢，就盡力去做。」
浩南挑戰做「一天媽咪」照顧兩兄妹，笑言是因為除了媽媽恨抱孫之外，男朋友都是其中一個原因：「因為佢覺得我未係時候，想證實畀另一半睇其實我係母愛爆發，只係諗緊幾時生小朋友。」
