強尼、張紋嘉（Crystal）等今天（25日）到上環為ViuTV新劇《總有一瓣》拍攝外景，強尼首度躍升男一，他表示多謝公司信任及給予機會，指劇中演員戲分平均。
問強尼擔正男一可感壓力？他說：「壓力並非來自大家反應，反而係開拍前做準備時諗多咗，愈諗愈多就發覺有壓力，驚做得唔夠好，開鏡前突然諗通，首先要自己做得開心，唔係做嚟做乜鬼，抱住玩嘅心態去做。」
強尼表示劇中演潦倒風水師，新劇以靈異作題材撞正盂蘭節開工，他表示2年前已計劃開拍，前後延期幾次，原打算避開夏天及農曆7月，他說：「最後發覺原來呢個世界好難完美，當中都有半夜三更拍攝，家人有畀水晶叫我帶住，等我安心啲。」
Crystal在劇中演強尼前妻，造型比較成熟，她說：「剛過咗38歲生日，唔係講笑，真係老咗1歲，不過還好冇諗住生小朋友。」她形容與拍拖7年男友林子傑，感覺已是老夫老妻，男友安排與她食飯慶祝已很滿足，她也擔心7年之癢：「我係迷信豬，風水師傅有叫我小心感情唔好，要忍讓，但我覺得還好，不過我哋係不婚主義，冇打算結婚。」
