張致恒（Steven）近年不時被太太區燕雯（雯雯）在社交平台公開數落，指他「又廢又懶」令屋企財政緊絀。Steven早前被發現在天水圍一間小食店打工，但後來又傳出已多日沒再在小食店上班的消息。而懷了第4胎的雯雯月中時就宣布關閉原有的Instagram（Ig）帳戶，另外開設新Ig並實施付費的會員制，每月50元，至今（28日）已有236個粉絲加入成為付費會員。不過，雯雯本來已清空及宣布不再用的舊Ig帳戶，今日中午竟突然有新帖文及新的限時動態﹗
她分享似身在主題公園內抱住孻仔的照片及留言︰「最近個人完全係崩潰狀態.. 好多好多問題都解決唔到，冇晒方向，直到遇到占卜師Jacqueline。喺占卜嘅過程中，Jacqueline都好好，好有耐性同好詳細咁慢慢解釋我嘅問題。答晒所有嘅問題之後，仲好有心咁有贈言畀我，我都係第一次遇到占卜會送贈言，仲要係一個好詳盡同好有心嘅贈言。呢個占卜之後我開始有番方向，同知道自己應該點樣走之後嘅路，冇再咁迷失。好多謝Jacqueline❤️。」
Steven近日就密密更新其Ig的限時動態，如之前問有沒有品牌可借衫給他到上海登台唱歌，以及他炒飯給兒子吃等生活點滴。
