林夏薇（薇薇）、周嘉洛主演的新劇《寵愛Pet Pet》明晚（31日）首播。薇薇出名愛動物，當日得知能接拍此劇時十分開心。她說︰「我有養寵物，又好鍾意動物，一直想演呢類題材嘅劇，好想通過呢套劇傳達正能量。」薇薇在劇中飾演獸醫金惠婷，開拍前獲劇組安排向專業獸醫學習，回家後又會請家中愛犬幫忙練習。
談到跟飾演其愛犬「冬甩」的金毛尋回犬Romeo有不少對手戲，她說︰「冬甩好乖好有靈性，我經常同佢傾偈、玩，又會買嘢請佢食。佢每日返廠都會飛奔撲向我。有時睇番啲片，原來冬甩係演得最好嗰個，畀佢搶晒啲戲！」《寵》的插曲《因為有你》是薇薇主唱，歌詞亦是她填詞。薇薇說︰「呢首歌係寫畀我3隻狗，當時我其中一隻狗要做大手術，我好感觸，就同2個朋友一齊創作咗呢首歌，填詞時邊寫邊喊。」
Romeo的主人是《愛‧回家之開心速遞》中飾演「英進」的招浩明，招浩明今次亦有份演出《寵》。能跟愛犬一齊拍劇，他開心說機會難得，指Romeo每次返到電視城都很開心，開工時一扭計就有得食，拍完全劇後胖了不少。招浩明感謝未婚妻Sophia於拍攝期間幫忙帶Romeo返電視城。他透露與未婚妻在尼泊爾認識，因此早前到喜瑪拉雅山拍婚紗照。
