向來熱愛健身及運動的張繼聰，昨天（1日）在社交平台身穿背心短褲﹑蹺腳坐在櫈上的對鏡自照，阿聰騷麒麟臂，相當大隻，他寫道：「終於放假一天，又操嘢，好耐冇post相，有冇興趣俾個like？」森美﹑黃正宜﹑顏卓靈﹑袁偉豪等都留言指阿聰好大隻，其間有網民留言稱：「師兄，上肢有力下肢冇力」﹑「以為見到雷神」﹑「大隻咗定肥咗...」﹑「碌手瓜係大過腳」等。
今午（2日）阿聰重貼昨天的健身照，不過照片明顯做了手腳，對腳加工變粗腿，而左手則變得勁幼，阿聰寫道：「依家滿意未？果（嗰）啲成日留言問我有冇操腳嘅朋友，激死人😌其實我好鍾意自己對腳，要粗，就操自己果（嗰）對啦﹗乖﹗」愛妻謝安琪也曲線撐老公：「依家輪到啲頭髮幼得滯啦﹗操下啲頭髮啦﹗」森美則搞笑稱：「依家前臂又要補啦！！！」
