陳健安（安仔）上月推出新歌《好好掛住》及舉辦「好好掛住 作品分享」展覽後，日前特意錄製《好好掛住》Acoustic版回饋樂迷。他說：「經歷咗掛住之後嘅一個新版本，叫做《好好掛住Catch You Later》。」《好好掛住》Acoustic版歌曲監製和編曲賴映彤擔任琴手，樂隊Nowhere Boys結他手Kenneth彈Banjo伴奏。Banjo結他配上鋼琴的聲音令安仔與填詞人李文曦覺得有送別禮的感覺，遂決定將這個版本命名為「Catch You Later」。安仔說︰「個名幾Chill，唔係好傷感，好似我喺送別禮上面，送呢首歌畀離開咗同埋掛住嘅人同事，最後講一句『Catch You Later，遲啲見』。」
安仔在原版《好好掛住》MV中，找來江𤒹生（AK）、商台DJ江慧楓及「造星V」參賽者符紀男（Tiger Foo），以畫作分享內心想好好掛住的「動物」、「家」和「親人」，反而他在MV中出現的畫面有限。今次的Acoustic版本MV中，安仔做回主角，導演更將拍攝場地變為「好好掛住 作品分享」展覽中出現過的memo牆，將當日歌迷以文字紀錄的思念字句再呈現在MV內。
錄音前，安仔刻意幫自己「洗腦」，忘記原版的唱法，在唱腔上作出調整。他說︰「轉一轉啲旋律，有少少Folk Song感覺。我錄音時要忘記之前版本嘅樂句，用英文亂咁唱，轉咗好多個拍子。我喺過程入面搵到新嘅樂句，第一句已經同原版唔同。新嘅版本唔係純粹轉咗編曲，而係重新灌錄，比原版速度快少少，希望畀到新嘅版本大家聽。原版適合靜靜哋喺屋企聽，新版我建議搭緊車望住唔同風景，或者揸緊車播出嚟，我覺得都幾啱咁樣去聽。」
