古天樂（古仔）早前獲品牌邀請出席在法國烏埃尚島舉行的新品發布會，其後更化身養蜂人深入了解養蜂工作及蜜蜂保育。工作繁忙的他視此行為喘息機會︰「我一直好想嚟，但之前做嘢夾唔到時間，今年終於有呢個機會！」
穿上養蜂人裝束的古仔，在當地專業養蜂人帶領下體驗養蜂人的日常。現場有很多黑蜂，部分首次參與活動的嘉賓略有緊張，但古仔面不改容，專心聆聽養蜂人的解說及學習往後的步驟。他隨後在養蜂人的指導下，親身嘗試養蜂工序，並小心翼翼拿起充滿黑蜂的蜂巢合照。脫下一身裝備後，古仔隨養蜂人到製作工場品嘗新鮮的蜂蜜，及了解黑蜂蜂蜜製作成殿級蜂皇系列的過程。
完成養蜂體驗後，古仔說︰「多謝品牌邀請，令我有呢個特別體驗，又踩單車又養蜂，同養蜂人了解咗好多蜜蜂嘅生活同蜜蜂面對緊嘅危機，令我更明白保護呢個大自然同埋蜜蜂嘅重要。希望大家一齊保護環境，令蜜蜂有一個安全、舒適嘅生長環境，為地球盡一分力。」
