汪明荃（阿姐）、羅家英、曾比特、林夏薇、周嘉洛、古佩玲、姜大衛 、徐榮和陳葦璇等，今晚（5日）錄影《思家大戰》。阿姐和家英哥夫妻檔上遊戲節目，阿姐自言矇查查，不知道怎樣玩。
家英哥透露稍後隨香港明星足球隊，到貴州踢波，是疫情後首次出外踢波。阿姐表示不會同行，因為要拍牀褥廣告。家英哥聞悉阿姐拍廣告很開心，並笑說：「我要食（魚）翅。」 阿姐呼籲別人不要食翅，家英哥聞言改口表示吃類似魚翅食物，並笑言開心可以「食軟飯」：「好開心老婆咁識賺錢，我可以食軟飯，食得好開心，我牙（齒）唔好，飯軟軟地不錯。」
說到他們之前接受電台訪問時，他公開爆阿姐私隱，指阿姐的內褲全是粉紅色，問事後有否被阿姐痛斥？他指阿姐聽不到，更無懼阿姐並再爆料，說：「唔係全部粉紅色，總之冇紅色，我就有紅色底褲，唔係新年先著，平時都會著。（送紅色內衣褲給阿姐？）唔使你教，唔想聽你講去做，受你影響。（送內衣給阿姐？）冇，送手袋居多。 （你都沒品味？）貴就得。」
家英哥透露他們財政獨立：「用我自己錢嚟買，冇攞過佢嘅錢，佢冇畀過錢我使，我亦都冇畀錢佢使。」阿姐笑笑口問他：「講完未？」家英哥繼續說：「錢好重要，全世界都講我食軟飯。」
