由陳豪、胡定欣、蕭正楠、張曦雯、蔣志光、朱智賢及馬貫東等合演的《破毒強人》正在播映中。
陳豪飾演的文華在劇中雖然時日無多、看似虛弱，但背後心機算盡，陰險無比，除了逼安樂（何廣沛飾）「錢債毒償」外，表面努力平息福田（蔣志光飾）與花灑（何啟南飾）各人風波的他，其實落足藥離間眾人，並巧妙地將凝聚力轉回自己身上。
雖然文華奸到出汁，但網民亦大為受落，大讚陳豪奸得來夠特別。昨晚對白疊對白兼疊聲嗌交戲，雖然只有20秒，仍引起關注，飾演老鬼的李家鼎獲讚中氣十足。談到場口，「花灑」何啟南笑言鏡頭前，雖然火藥味濃，但鏡頭後很有趣：「嗰場戲我哋Take咗幾次，因為戲入面阿Mo（陳豪）把聲細聲同低沉啲，你諗吓我哋幾個人喺度大嗌同嗌交，跟住阿Mo嗌我哋停，佢把聲我哋根本聽唔到，當時都幾好笑㗎。因為我哋嗌緊交時，係注意個對手，唔會為意阿Mo行咗入嚟，仲要唔係好大聲。」
