著名作詞人黃偉文（Wyman）在今年1月1日舉行的《2022年度叱咤樂壇流行榜頒獎典禮》上獲得「填詞人大獎」，他為林家謙填詞的歌曲《邊一個發明了ENCORE》亦贏得「至尊歌曲大獎」。商台DJ朱薰近日趁與丈夫、仔女到英國旅行，代表電台將獎座交到Wyman手上。照片中的朱薰右手受了傷，戴了吊臂手托。
Wyman在社交網分享手持獎項與朱薰及其家人的合照，留言︰「本來係同朱薰一家大細去Natural History Museum睇恐龍嘅家庭日，睇完佢突然喺門口拎咗兩件金掁掁嘅嘢出嚟......原來係今年一月一號未攞嘅嘢！陰功，咁重喺香港搬過嚟，真係有心又出力！結果我哋喺博物館門口嘅長櫈上面，就地進行咗簡單而隆重嘅小小境外頒獎禮，冇著靚衫冇諗致謝辭，但有好多好多愛冚番。朱薰，下次齋嚟玩得啦，唔使咁客氣帶咁多嘢嚟。見到你一家我已經好鬼開心。公園長櫈上的叱咤頒獎禮，至於佢隻手點解咁樣等佢自己喺適當時候介紹番，希望唔因為個獎或者份愛重得滯拎到甩骱。#YY倫敦接客日記」
